هذة القصيدة للشاعر حامد الغريباوي بس ردت اكتبها
للي بالي واني متاكد راح يقرها
واتمنه يحس ويراجع نفسه
وتحياتي اله
على اخر زمن ننتظر عالباب
ونتاني الجان هوة الينتظرنه
اخ من الوكت دولابه دولاب
ما ندري شوكت وشلون فرنه
اذا ويه النحبهم صرنا اغراب
نتاني بابهم تالي عمرنه
بعد لا يا كلب لا ادور اسباب
علينا اندارت ومحد عزرنه
نحبهم اي صدك وجانو احباب
بس هسه انتهت كلشي خسرنه
كــــــــلها اتغيرت مو مثل الاول
مثل الشمس الهم كل وكت لون
حته الزين بيهم هم تـــــــــحول
وياهو ادكول زين ايخيب الضنون
شــــبيها الناس مثل الورك تذبل
وصاير شوفهم شو مو بالعيون
بعد حب وفه بهالدنيا مــــــــاظل
والعندة وفه يسمونه مجنون
يضيع اليستحي والطبعه يخجل
وخسرنا هواي ويه المايخجلون
الوكت بندار بينه ومــــــــنتبدل
لا نعرف غدر لا نعرف نخون
واذا تعله النذل يــــــصير انذل
وناس شكد علت وبسرعه ينسون
منغير طبعنه ومــــــــــــنتحول
نظل بالطيبه اطيب ناس بالكون
هم تحتاجني وترجع الـــــــــيه
شما يعله الشجر ما ينسه فيه
ماضيك اني اعرفه وكل ظروفك
وجنت تشكيلي كل ما ردت اشوفك
صحيح توفقت بس مو عــــــــليه
شجاك اتكبرت عالناس شبساع
الكمر هم عالي بس عيونه عالكاع
الاصيل يكون من طبعه التواضع
ويتحمل الم كل الــــــــــــــــمواجع
الوفه بهذا الزمن اصبح قضيه
هم تحتاجني وترجه الــــــــــــيه
ما ناسيني بس ناسي انته نفسك
واعرفك زين ما يحتاج ادرسك
ما اهتملك شما تحجي ضدي
اخاف تحس الك فد قيمه عندي
واضل شما صرت روحي ابيه
هم تحتاجني وترجع الـــــــــيه
تحياتي المتواضع
اوراق رجل عاشق
الأربعاء مايو 11, 2011 11:15 pm