ترة انتو متعرفون حقيقة تحرير روسيا بالحرب العالمية الثانية سنة 1969 لان المخابرات الامريكية من هذاك الوكت طمطمتها .
وخلاصة القصة احنا العراقيين معروفين بالطلايب مالتنة وهذا الرئيس الروسي من انلاصت عليه والامريكان احتلو روسيا
دوّر بالقوائم مال المشاهير ولگة اسمي هناك ...شقاوة الكرادة.... أخو خيتة الآسدي ..المعروف بالتنين ...
لأن دايما دمي حامي
خابرني الرئيس الروسي عل موبايل مالتي وتوسل بيّ اساعدهم وگلي الجيش مالتة كلة راح بالزلگـــــ
وحلفني بالهبيط والتشريب اللي بيناتنا حتى اساعدة
وبعد ان اخذت منة تعهد بأنه يصرح ان اصل الفودكا الروسية هو ..عرگـــ العصرية وانه يدفعلنا حق الاختراع ...
ركبت الأف 39 الميراجية مالتي ...
( جانت فوك البيتونة مبندة بلية شغل ) ...وگبل عل جبهة الروسية واويلاخ يابة شلون مليوصة عليهم
....بس عليمن...كلتلهم للروس لموا چوالاتكم ورجعوا يللة ..كلكم نستلة ..السالفة صارت يمي
وباوعت يمنة ويسرة شفت اسلحة وعتاد كلة مشمر ...
اني أخذت منها 65 صاروخ (أرض- أرض)..... و34 صاروخ (أرض- مي) وشوية (ارض- جو)..... و 89بي كي سي.....
و فد 684 رمانه يدويه...... و 45 لغم منوع بين مضاد للبشر ومضاد للدبابات ..
خليتهم بالعليجة مالتي ودوس عل سكليتر..ويافحل لو تعرف شصار...
نصبّت الصواريخ على چتفي وصيـّحت...
اني إلكم..
طبا طبا.. طاخ طاخ طاخ.. الزگه.. جيبه.. ودي.. الله.. إصلخه.. ألطمه .. طگة ...
بهدلتهم وكل واحد گام يصيح ياويلي......
والله صفيتهم بقوا بس 7 جنود ودبابتين واني باقيلي رمانه وعلچ أبو السهم...... شسويت؟
لزگت العلچ أبو السهم بالرمانه وشمرتها على الدبابة.. لزگت بيها.. وچان تنفجر.
بقت دبابة وحدة.. ركضت عليها وبيدي قلم أبو النبالة ( لحد يگولي منين جبته.. هوه إجه )....
والله وبالقلم گطعت السرفه ( التايرات مال الدبابه يعني )..
وگفت... گـُمزت عالقمارة.. فتحت الباب..لكَيت تسع جنود ... نزّلتهم بيدي.. واخذتهم أسرى.
طبعا وره ما هيچ سويت.. إجه الرئيس الروسي وباسني من راسي وگلي:.. وليدي انته اقوه من گرندايزر والله..
گتله:.. لا يابا لا ترة هاي زلاطة ما سويت شي آني.. عادي..
وانطاني هديه سيارة لادا بعدها ما ماشيه بالچيس...
واشترولي بنطرون كتان أصلي من الصين درجة أولى.. وبوتين أديداس أبو العلامة.
رجعت للبيت.. وشغلت المولدة.. وگعدت اتفرج (عدنان ولينا)...
السبت أبريل 23, 2011 10:44 am